काठमाडौं- यूईएफए च्याम्पियन्स लिगको क्वालिफाइङ खेल सकिएसँगै आउँदो सिजनको च्याम्पियन्स लिग ड्र सार्वजनिक भएको छ।
अक्टोबर २० बाट सुरु हुने समूह चरणको प्रतियोगितामा ८ समूहमा ३२ टिमले प्रतिस्पर्धा गर्नेछ। जहाँ एक समूहमा ४ टिम समावेस हुनेछन्।
पछिल्लो सिजनको विजेता क्लब बायर्न म्युनिख समूह ‘ए’ मा छ। उसले सो समूहमा स्पेनिस क्लब एट्लेटिको मड्रिड, साल्सबर्ग र लोकोमोटिभ मस्कोको सामना गर्नेछ।
त्यस्तै, पेर्चुगिज फरवार्ड रोनाल्डो र मेस्सीको टिम बार्सिलोना एउटै समूहमा परेका छन्। दुवै क्लब समूह ‘जी’ मा छन्।
त्यस्तै साविक उपविजेता पेरिस सेन्ट जेर्मेन(पीएसजी)ले समूह एचमा म्यानचेस्टर युनाइटेड, लाइप्जिक र इतानबुलको समाना गर्नेछ।
आउँदो च्याम्पियन्स लिगको समूह चरणमा नै बार्सिलोना–युभेन्टस रियल मड्रिड–इन्टर मिलान, लिभरपुल–एटलान्टा, पीएसजी–म्यानचेस्टर युनाइटेडका बलियो प्रतिस्पर्धा देख्न सकिने छ।
यसअघि मेस्सी र रोनाल्डो ३५ खेलमा भेट भएका छन्। जसमा रोनाल्डो साइडले १० जित निकाल्दा मेस्सीको टिमले १६ जित निकालेको छ। ९ खेल भने बराबरीमा रोकिएको छ।
यता दुवैको गोल तुलना गर्दा मेस्सीले धेरै गोल गरेका छन्। बार्सिलाेना स्टारले २२ गोल गरेका छन् भने रोनाल्डोले १९ गोल गरेका छन्।
च्यम्पियन्स लिग समूह चरणको तालिका
समूह ए – एट्लेटिको मड्रिड, बायर्न म्युनिख, साल्सबर्ग, लोकोमोटिभ मस्को
समूह बी – रियल मड्रिड, इन्टर मिलान, शख्तर डोनेस्क, बोरुसिया मोन्चेग्लाडबाख
समूह सी – म्यानचेस्टर सिटी, पोर्टो, ओलम्पियाकोस, मार्सेल्ली
समूह डी – लिभरपुल, आयाक्स, एटलान्टा, मिड्जेल्याण्ड
समूह ई – सेभिया, चेल्सी, क्रस्नोडार, रेनेस
समूह एफ – सेन्ट पिटर्सबर्ग, बोरुसिया डोर्टमुन्ड, लाजियो, क्लब बर्ग
समूह जी – युभेन्टस, बार्सिलोना, डायनामो किभ, फेरेनबारोसे
समूह एच – पिएसजी, म्यानचेस्टर युनाइटेड, लाइपजिग, स्तानबुल बासाकेसिर