धरान- बीपी कोइराला स्वास्थ्य विज्ञान प्रतिष्ठानमा एक जना कोरोना संक्रमित पुरुषको मृत्यु भएको छ।
अस्पतालका प्रवक्ता डा दिनेश सापकोटाका अनुसार सुनसरीको इटाहरी ६ का ५६ वर्षिय पुरुषको बुधवार राति पौने दश बजे मृत्यु भएको हो।
उच्च ज्वरो, खोकी र स्वासप्रश्वासमा समस्या भएपछि उनलाई कोरोना संक्रमणको आशंकामा बिराट मेडिकल कलेज बिराटनगरले रेफर गरेको थियो।
कुनै दीर्घ रोग नभएका उनलाई प्रतिष्ठानको कारोना अस्पतालमा बुधबार राती साढे नौ बजे मात्रै भर्ना गरिएको थियो।
गम्भिर अवस्थामा अस्पताल पुर्याइएका उनको भर्ना भएको १५ मिनेटमै मृत्यु भएको अस्पतालका प्रवक्ता डा सापकोटाले बताएका छन्।
शवको व्यवस्थापन नियमानुसार भइरहेको अस्पतालले जनाएको छ।