काठमाडौं- पछिल्लो २४ घण्टामा नेपालमा थप १ हजार ५५९ जनामा कोरोना संक्रमण पुष्टि भएको छ।
नेपालमा कोरोना भाइरसबाट संक्रमण हुनेको कुल संख्या ७७ हजार ८१७ पुगेको छ।
आज देशभर सक्रिय संक्रमितको संख्या २० हजार ८९१ रहेको छ। जसमध्ये संस्थागत आइसोलेसनमा १० हजार ८७ र होम आइसोलेसनमा १० हजार ८०४ जना रहेका छन्।
पछिल्लो २४ घण्टामा नेपालमा १२ हजार २०४ जनाको पीसीआर नमुना परीक्षण गरिएको छ। यो सहित नेपालमा १० लाख २१ हजार ५०३ जनाको पीसीआर परीक्षण गरिएको छ।
पछिल्लो २४ घण्टामा १० हजार ५७ जना डिस्चार्ज भएका छन्। हालसम्म डिस्चार्ज हुनेको संख्या ५६ हजार ४२८ पुगेको छ।
हाल विभिन्न ठाउँमा रहेका क्वारेन्टिनमा ५ हजार ४२८ जना बसिरहेका छन्।
पछिल्लो २४ घण्टामा कोरोना संक्रमणबाट नेपालमा ७ जनाको मृत्यु भएको छ। हालसम्म मृत्यु हुनेको संख्या ४९८ पुगेको छ।