बुटवल- बुटवलको तिनाउ नदीमा बालको शव फेला परेको छ। नदीले बगाएर ल्याएको अवस्थामा एक बालकको शव फेला परेको हो। अर्धनग्न अवस्थामा शुक्रबार बिहान शव फेला परेको इलाका प्रहरी कार्यालय बुटवलले जनाएको छ।
अन्दाजी ८ वर्षका बालक मृत अवस्थामा फेला परेको इलाका प्रहरी कार्यालय बुटवलका डीएसपी मदन कुँवरले बताए। शवको पहिचान खुल्न नसकेको प्रहरीको भनाइ छ।
पौडी खेल्दै गर्दा नदीमा बगेको हुनसक्ने प्रहरीको अनुमान छ। स्थानीयले शव देखेपछि प्रहरीलाई खबर गरेका छन्।