काठमाडौं– सशस्त्र प्रहरीको टोलीले मकवानपुरबाट ५२ किलो लागूऔषध गाँजा बरामद गरेको छ।
हेटौडा उपमहानगरपालिका १२ रमनटार स्थित राप्ती खोलाको किनारबाट सशस्त्रको टोलीले ५२ किलो गाँजा बरामद गरेको हो।
सशस्त्र प्रहरी बल, नेपाल आईराटी पोष्ट कत्लेखोलाबाट खटिएको टोलीले ना २ ह १३१० नम्बरको अटोबाट गाँजा बरामद गरेको हो।
सशस्त्र प्रहरीको टोली देखेपछि चालकले अटो छोडेर भागेका थिए। प्रहरीले बरामद गरेको गाँजा र अटो प्रहरीको जिम्मा लगाएको छ।
त्यस्तै सिरहाको सुखिपुर नगरपालिका ४ बनैनिया चोकबाट १९ केजी गाँजा बरामद गरेको छ। को २९ प १४८७ नम्बरको मोटरसाईकलमा राखी नेपालबाट भारततर्फ लैजाँदै गरेको अवस्थामा गाँजा बरामद भएको हो।