सरकारी कार्यालयले नै मान्दैनन् जनस्वास्थ्यका मापदण्ड 

काठमाडौं– सार्वजनिक संस्थाहरुमा नै जनस्वास्थ्यका मापदण्डको पालना नभएको स्वास्थ्य तथा जनसंख्या मन्त्रालयले जनाएको छ। 

मन्त्रालयको नियमित प्रेस ब्रिफिङमा आज प्रवक्ता डा. जागेश्वर गौतमले सरकारी तथा गैरसरकारी संस्थाहरु, बैंक, विद्युत् प्राधिकरण, तरकारी बजार, वडा कार्यालय, अस्पताल, मालपोत, खानेपानी कार्यालय, मालपोत, टेलिकम, टिकट काउन्टर, व्यारेक, अस्पताल लगायतका क्षेत्रमा नै जनस्वास्थ्यका मापदण्डको पालना नभएको बताए। यसले गर्दा कोरोना संक्रमण फैलिरहेको मन्त्रालयले तर्क छ।

संक्रमितको अवस्था हेर्दा ब्यारेक, अस्पताल, बैंक तथा तरकारी बजारका संक्रमित बढी देखिएको मन्त्रालयले जनाएको छ। त्यसैले ती संस्था वा स्थानमा अनिवार्य रुपमा हात धुने व्यवस्था मिलाउन, दुई मिटरको दूरी कायम गरी काम गर्ने वातावरण मिलाउन र मास्कको प्रयोग गर्न–गराउन मन्त्रालयले अनुरोध गरेको छ। 

काठमाडौं उपत्यका लगायत जनघनत्व उच्च भएका क्षेत्रमा कोरोना संक्रमणको दर उच्च भएको बताउँदै जनस्वास्थ्यका मापदण्ड अपनाउन मन्त्रालयले आग्रह गरेको छ ।