बिहिबार, मंसिर १८, २०७७

अर्थ

चन्द्र ढकालको प्यानललाई निर्यात व्यवसायी महासंघको पनि साथ

1605883460.jpg

काठमाडौं– निर्यात व्यवसायी महासंघ नेपाल (फिन)ले नेपाल उद्योग वाणिज्य महासंघको आसन्न निर्वाचनमा वरिष्ठ उपाध्यक्षका उम्मेदवार चन्द्रप्रसाद ढकालको प्यानललाई सहयोग गर्ने भएको छ। 

relifeinsurance

निर्यातजन्य उद्योग व्यवसायको क्षेत्रमा सक्रिय वस्तुगत संघहरूले स्थापना गरेको निर्यात व्यवसायी महासंघ नेपालले ढकालको टीमलाई सहयोग गर्ने उद्घोष गरेको हो। 

महासंघले शुक्रबार काठमाडौंमा चन्द्र ढकाल टीमलाई स्वागत तथा जीतको अग्रीम शुभकामना दिँदै फिन अन्तर्गतका ११ वटा वस्तुगत संघका अध्यक्षले खुला रुपमा मतदान गर्ने उद्घोष गरे।  

शुभकामना कार्यक्रममा निर्यात व्यवसायी एवम् फिनका अध्यक्ष तथा प्रदेश सांसद रामबहादुर गुरुङले महासंघमा वस्तुगत सदस्यहरूको हितका लागि वरिष्ठ उपाध्यक्षका उम्मेदवार चन्द्रप्रसाद ढकाललाई जिताउनु पर्ने बताए। 

कार्यक्रममा बोल्दै फिन अन्तर्गत रहेका वस्तुगत संघका अध्यक्षहरूले स्वतः अध्यक्ष भएका व्यक्तिले एउटा टीमको नाममा महासंघभित्र कार्टेलिङ गरेको भन्दै त्यसलाई तोड्न पनि ढकाल प्यानललाई भोट दिनुपर्ने बताए। 

‘चुनावी प्रतिस्पर्धामा रहेका दुवै प्यानलको सर्वमान्य अध्यक्ष भएर बस्नुपर्ने व्यक्तिले अहिले एउटा टीम खडा गरी उक्त टीमलाई जिताउन दर्जनौं व्यक्तिलाई मनोनितको बल्छी फालेर हिँडेका छन्,’ कार्यक्रममा फिन अन्तर्गत रहेको वस्तुगत संघका अध्यक्षहरूले भने, ‘यस्तो व्यवहारले महासंघका दुर्घटना निम्तने छ। तसर्थ महासंघलाई दुर्घटनाबाट बचाउनका लागि पनि ढकाल प्यानललाई जिताउनुपर्ने छ।’ 

कार्यक्रममा वरिष्ठ उपाध्यक्षका उम्मेदवार ढकालले आफ्नो सुरुवाती व्यवसाय नै निर्यात क्षेत्रबाट सुरु भएको जानकारी गराउँदै निर्यातको व्यवसायमा सक्दो काम गर्ने प्रतिबद्धता जनाए।  
 

 

प्रतिक्रिया दिनुहोस्