काठमाडौं– महानगरीय प्रहरी वृत्त कालिमाटीले ब्रोइलर कुखुराको चल्लालाई लोकल भन्दै बिक्री गरेको आरोपमा कलंकीबाट चार जनालाई पक्राउ गरेको छ।
ब्रोइलरको चल्लामा रंग लगाएर लोकल भन्दै बिक्री गर्दै आएको भन्ने सूचनापछि प्रहरीले छापा हानेको हो।
महानगरीय प्रहरी वृत्त कालिमाटीका प्रमुख डिएसपी अपिलराज बोहराले चल्लामा कालो, रातो लगायतको रंग लगाएर लोकल भन्दै महँगोमा बिक्री गर्ने पाइएको जानकारी दिए।
पक्राउ पर्नेमा प्रेमसिला देवी जैसवाल, वकिल खान, सुनिता जैसवाल, चन्दा देवी शाह रहेका छन्। प्रहरीले तयारी गरेको र रंग लगाउन बाँकी २८ हजार ६ सय चल्ला बरामदसमेत गरेको छ।
१० रूपैयाँमा गरिद गरी ल्याइएका चल्ला २ सय रुपैयाँसम्म बिक्री गर्दै आइरहेको खुलेको छ।