बुधबार, मंसिर १०, २०७७

अर्थ समाचार

उद्योग वाणिज्य महासंघ निर्वाचन : ६४ पदका लागि १२७ जनाको उमेदवारी 

1605862868.jpg

काठमाडौं– नेपाल उद्योग वाणिज्य महासंघको यही मंसिर १३ गते हुने निर्वाचनका लागि १२७ जनाको उमेदवारी परेको महासंघले जनाएको छ।

महासंघले हिजो बिहीबार पहिलो चरणको नामावली प्रकाशित गरेको थियो। सोही नामावलीलाई आज अन्तिम रुप दिइएको हो।

महासंघले प्रकाशित गरेको उमेदवारको नामावली अनुसार वरिष्ठ उपाध्यक्ष पदका लागि दुईजना किशोरकुमार प्रधान र चन्द्रप्रसाद ढकालको उमेदवारी परेको छ। 

त्यस्तै उद्योग वाणिज्य समूहको उपाध्यक्ष पदका लागि दुई जना गुणनिधि तिवारी र दिनेश श्रेष्ठको उमेदवारी परेको छ। वस्तुगत उपाध्यक्षको लागि उमेशलाल श्रेष्ठ र अञ्जन श्रेष्ठको उमेदवारी परेको महासंघले जनाएको छ। एसोसिएट सदस्य समूह अन्तर्गतको उपाध्यक्ष पदका लागि रामचन्द्र संघाई र सौरभ ज्योतिको उमेदवारी परेको महासंघले जनाएको छ। 

महासंघका अनुसार जिल्ला नगर केन्द्रीय सदस्यहरुको लागि ३८ जनाको उमेदवारी परेको छ। त्यस्तै प्रत्येक प्रदेशबाट १–१ जना केन्द्रीय सदस्य पदको लागि प्रदेश २ बाट २ जना, बाग्मती प्रदेशबाट ३ जना, गण्डकी प्रदेशबाट २ जना, लुम्बिनीबाट ३ जना, कर्णालीबाट २ जना र सुदूरपश्चिम प्रदेशबाट २ जनाको उमेदवारी परेको महासंघले जनाएको छ। 

संस्थापक सदस्य समूहबाट १ जना केन्द्रीय सदस्यका लागि ३ जना, वस्तुगत संघबाट १४ जनाको लागि २९ जना, एसोसिएटबाट १९ पदका लागि ३३ जनाको उमेदवारी परेको छ।

प्रदेश १ र द्विराष्ट्रिय उद्योग वाणिज्य महासंघबाट भने बिहीबार नै राजेन्द्र राउत र सन्दीप अग्रवाल निर्विरोध निर्वाचित भइसकेका छन्। 

प्रतिक्रिया दिनुहोस्