धनगढी- धनगढीस्थित सेती प्रादेशिक अस्पतालमा उपचाररत एक कोरोना संक्रमित महिलाको मृत्यु भएको छ।
धनगढी उप-महानगरपालिका-१ की ६३ वर्षीया कोरोना संक्रमित महिलाको मृत्यु भएको अस्पतालका सूचना अधिकारी दिलिप कुमार श्रेष्ठले बताए।
श्वासप्रश्वासमा समस्या भएपछि असोज ७ गते उनी अस्पताल भर्ना भएकी थिइन्।
असोज १० गते कोरोना संक्रमण पुष्टि भएकी ती महिलाको आईसीयूमा उपचार भइरहेको श्रेष्ठले बताए।
जटिल अवस्थामा रहेकी उनमा दमखोकीलगायत फोक्सोको समस्या रहेको अस्पतालले जनाएको छ।
योसँगै धनगढी उप–महानगरपालिकामा कोरोना संक्रमितको मृतकको संख्या तीन पुगेको छ।