धनगढी- सुदूरपश्चिम प्रदेशमा कोरोनाका संक्रिय संक्रमित एक हजार नाघेको छ ।
स्वास्थ्य निर्देशनालय डोटीका अनुसार सुदूरपश्चिम प्रदेशमा कोरोनाका संक्रिय संक्रमित एक हजार १७ पुगेको छ । ९ जिल्ला रहेको सुदूरपश्चिमको कैलाली जिल्लामा संक्रिय संक्रमितको संख्या ४९१ रहेको छ ।
निर्देशनालयका अनुसार डोटीमा १३९, अछाममा १२९, बझाङमा १००, बैतडी ८०, कंचनपुरमा ३५, दार्चुलामा ३२ र डडेल्धुरामा ११ जना कोरोनाका संक्रिय संक्रमित रहेका छन् भने बाजुरा जिल्लामा कोरोनाका संक्रिय संक्रमित शून्य रहेको छ ।
दार्चुलामा ४५३ जना कोभिड–१९ पोजेटिभ पुष्टि भएकोमा ४५१ जना निको भैसकेका छन् ।
६ हजार बढीले कोभिड–१९ जिते
सुदूरपश्चिम प्रदेशमा हालसम्म ६ हजार बढी कोभिड–१९ संक्रमित निको भएका छन् ।
स्वास्थ्य निर्देशनालय डोटीका अनुसार हालसम्म प्रदेशमा ७०५१ जनामा कोभिड–१९ पोजेटिभ आएकोमा ६०१९ जना निको भएका छन् ।
प्रदेशमा सबैभन्दा बढी कैलालीमा १८३५ जना निको भएका छन् । डोटीमा ९४७, अछाममा ९२४, कंचनपुरमा ७४१, बाजुरामा ४५१, बझाङमा ४२२, बैतडीमा ३२९, डडेल्धुरामा ३२१ र दार्चुलामा ४९ जनाले कोभिड–१९ जितेको निर्देशनालयले जनाएको छ ।
प्रदेशमा १५ जनाको मृत्यु
सुदूरपश्चिम प्रदेशमा हालसम्म कोभिड–१९ का १५ जना संक्रमितको मृत्यु भएको छ ।
स्वास्थ्य निर्देशनालय डोटीका अनुसार हालसम्म सबैभन्दा बढी कैलालीमा सात जनाको मृत्यु भएको छ ।
कैलालीमा सात जनाको मृत्यु भएको छ । अछाम, बझाङ, बाजुराका दुई÷दुई जनाको मृत्यु भएको छ । बैतडी र डडेल्धुराका एक÷एक जनाको मृत्यु भएको छ ।