काठमाडौं- औषधि व्यवस्था विभागले विषाक्त रसायन मिसाएको पाइएपछि थप ९ वटा कम्पनीका ह्याण्ड स्यानिटाइजरमा प्रतिबन्ध लगाएको छ।
नमुना संकलन गरी परिक्षण गर्दा तोकेको मापदण्ड अनुसार नभई मानव स्वास्थ्यलाई गम्भीर असर पार्ने रसायन मिसाएको पाइए पछि विभागले प्रतिवन्ध लगाएको हो ।
आज एक सूचना जारी गरी हर्बल एण्ड रब, कुम ह्यान्ड स्यानिटाइजर, क्लिन ह्याण्ड स्यानिटाइजर, कुमकुम इन्स्टान्टका स्यानिटाइजर, इन्स्टान्ट ह्याण्ड स्यानिटाइजर जेल, इन्स्टान्ट ह्याण्ड स्यानिटाइजर ओर्जिनल, साधना इन्स्टान्ट, ड्रोनी एलो कलर र ड्रोनी कलरलेस स्यानिटाइनरमा प्रतिवन्ध लगाएको हो ।
यी कम्पनीका स्यानिटाइजर उत्पादन तथा बिक्री वितरणमा रोक लगाउन पनि विभागले निर्देशन दिएको छ । यी कम्पनीको स्यानिटाइजर प्रयोग नगर्न पनि विभागले अपिल गरेको छ ।
कोरोनाको महामारीसँगै जथभावि रुपमा बनाइएका विषाक्त स्यानिटाइजरहरु बजारमा छ्यापछ्याप्ती पाउन थालेपछि विभागले अनुगमन थालेको छ । अनुगमनलाई अझै तिब्रता दिने विभागले जनाएको छ । यसअघि पनि विभागले विभिन्न ९ वटा कम्पनीका स्यानिटाइजरमाथि प्रतिबन्ध लगाएको थियो।