असोज १० देखि विद्यालय खोल्न काठमाडौं महानगरको अनुमति

काठमाडौं- काठमाडौं महानगरपालिकाले असोज १० गते आइतबारदेखि विद्यालय खोल्न पाउने निर्णय गरेको छ। आइतबारदेखि काठमाडौंमा विद्यालयहरू खोल्न पाउने निर्णय भएको महानगरका शिक्षा शाखा प्रमुख रामप्रसाद सुवेदीले बताए।

बुधबार बसेको बैठकले विद्यालय खोल्न पाउने निर्णय गरेको हो। त्यसका लागि २७ वटा मापदण्ड अनिवार्य पालना गर्नुपर्ने उनले बताए। त्यही अनुसार विद्यालयले अभिभावकको अनुमति लिनुपर्ने भएको हो। 

विद्यालय प्रशासनले शिक्षक,अभिभावक, विद्यार्थी प्रतिनिधी, व्यवस्थापन समिति लगायत सरोकारवालाहरूसँग छलफल गरेरमात्रै खोल्नुपर्ने उनले बताए। यद्यपी विद्यार्थीहरू नपठाउने भनेमा अनिवार्य नगरिने उनले बताए।

अनिवार्य रूपमा स्वास्थ्य मापदण्डहरू पालना गर्नुपर्ने लगायतका २७ वटा मापदण्ड तयार गरेको छ।  दसैं नजिकिएको हुँदा विद्यालय केही समय खुलेर फेरि बन्द हुनेछन्।