काठमाडौं– नेपालमा शुक्रबारसम्म कुल संक्रमितमध्ये ७३.४ प्रतिशत कोरोना भाइरसमुक्त भएका छन्।
पछिल्लो २४ घण्टामा एक हजार ४५५ जना संक्रमणमुक्त भएको स्वास्थ्य तथा जनसंख्या मन्त्रालयको विवरणमा उल्लेख छ। आजसम्म ५१ हजार ८६६ जना संक्रमणमुक्त भएका छन्।
संक्रमणमुक्त हुनेमा चार हजार ७१७, दुईमा १२ हजार ८७३ र बागमतीबाट १३ हजार ९१६ जना छन्। यस्तै गण्डकी प्रदेशबाट तीन हजार २४, प्रदेश ५ बाट आठ हजार ७३, कर्णालीबाट दुई हजार ८१८ र सुदूरपश्चिमबाट ६ हजार ४४५ जना संक्रमणमुक्त भएका छन्।
देशभर सक्रिय संक्रमित १८ हजार २८९ जना छन्। नेपालमा आजसम्म ७० हजार ६१४ जनामा कोरोना संक्रमण भएको छ।