करेन्ट लागेर कैलालीमा एकको मृत्यु

काठमाडौं- करेन्ट लागेर कैलालीमा एक युवकको मृत्यु भएको छ। गौरीगंगा नगरपालिका–१० बस्ने २९ को रघुवीर सिंह धामीको करेन्ट लागेर बुधबार मृत्यु भएको प्रहरीले जनाएको छ।

स्थानीय नन्दराम ठगुन्नाको खेतबारीमा अज्ञात व्यक्तिले विद्युतीय तार जोडी खेतमा करेन्ट छोडेको अवस्थामा खेतबारीमा खरायो छोप्न गएका बेला उनलाई करेन्ट लागेको हो। 

उनको घटनास्थलमा नै मृत्यु भएको प्रहरीले जनाएको छ। प्रहरीले खेतमा विद्युतीय तार कसले छोडेको थियो भन्ने विषयमा अनुसन्धान भइरहेको जनाएको छ।