७२ प्रतिशत संक्रमित कोरोनामुक्त

काठमाडौं– नेपालमा कोरोना भाइरस संक्रमणबाट ४६ हजार २३३ जना मुक्त भएका छन्। यो कुल संक्रमितको ७२ प्रतिशत हो।

नेपालमा कोरोना भाइरस संक्रमितको कुल संख्या ६४ हजार १२२ पुगेको छ।

यस्तै सक्रिय संक्रमितको संख्या १७ हजार ४७८ रहेको स्वास्थ्य तथा जनसंख्या मन्त्रालयले जनाएको छ।

आज थप १ हजार ३२५ जना संक्रमित थपिएका छन्।

पछिल्लो २४ घण्टामा ९६६ जना निको भएका छन्।
आजसम्म प्रदेश १ मा चार हजार १०९, प्रदेश २ मा १२ हजार २३३, बागमतीमा १० हजार ९४१ जना संक्रमणमुक्त भएका छन्।

गण्डकीमा दुई हजार ७०९, प्रदेश पाँचमा ७ हजार २९५, कर्णालीमा दुई हजार ७०४ र सुदूरपश्चिममा ६ हजार २४२ जना कोरोनामुक्त भएका छन्।