काठमाडौं– संविधान दिवसका अवसरमा सरकारले विभिन्न क्षेत्रका ५९४ जनालाई मानपदवी, अलंकार र पदकबाट सम्मान गर्ने भएको छ।
सरकारद्वारा सार्वजनिक गरिएको सूचीअनुसार ४५३ जनालाई मानपदवी ११४ जनालाई अलंकार र २७ जनालाई पदकबाट सम्मान गर्न लागिएकाे हाे।
राष्ट्रको गौरव बढाउन, उन्नति र कीर्तिमानी राख्न विभिन्न क्षेत्रबाट महत्वपूर्ण योगदान पुर्याउनेहरुलाई सरकारले संविधान दिवसमा सम्मान गर्दै आएको छ।
यसपटक नेपाल रत्न कसैलाई पनि दिइएको छैन। सुप्रसिद्ध प्रबल जनसेवा श्री (प्रथम) बाट आँखाका वरिष्ठ चिकित्सक सन्दुक रुइतलाई सम्मान गरिने भएको छ।
यस वर्षको संविधान दिवसको अवसरमा सम्मानित हुनेहरुको सूचीमा १४ जना पत्रकार र दुई जना सञ्चारकर्मीसमेत छन्।
संविधान दिवसमा एक जनालाई नेपाल रत्नसहित राष्ट्र गौरव, राष्ट्रद्वीप, जनसेवाश्रीमा प्रथम, द्वितीय, तृतीय र चौथो प्रदान गरिन्छ। तर यस वर्ष नेपाल रत्न कसैलाई दिइएको छैन।