काठमाडौं– क्यानडाको संसदमा यस पटक भारतीय मूलका १७ नेता पुगेका छन्। यसमा जगमित सिंहका साथै वर्तमान सरकारका रक्षामन्त्री रहेका हरजित सिंह सज्जन पनि छन्। सिंह भारतीय मूलका पहिलो क्यानडेली रक्षामन्त्री हुन्।
निर्वाचनमा अल्पमतको सरकारको नेतृत्व गरिरहेका प्रधानमन्त्री जस्टिन ट्रुडोको लिबरल पार्टी र कन्जरभेटिभ पार्टीबीच मुख्य प्रतिस्पर्धा भएको थियो। निर्वाचनमा ४९ वर्षीय जस्टिन ट्रूडोको दलले १ सय ५६ स्थानमा जित हासिल गरेको छ।
प्रधानमन्त्रीको दल जस्टिन ट्रूडोलाई बधाई दिँदै जगमित सिंहले जनताको हितमा लडाइ जारी राख्ने बताएका छन्। ‘धनी मानिसले सही योगदान दिऊन्। हामी सामान्य मान्छेलाई देखिसकेका छौं। र, उनीहरूका लागि लड्ने छौं’, उनले भनेका छन्।
२०१७ मा जगमीत सिंहले भारतीय मूलबाट क्यानडामा कुनै केन्द्रीय पार्टीको नेता भएर इतिहास रहेका थिए।
लिबरल पार्टीकी अनिता आन्दले ४६ प्रतिशत मतका साथ ओकविलबाट चुनाव जितेकी छन्। उनी खोप मन्त्री हुन्। उनले कोरोना महामारीमा अहम भूमिका निर्वाह गरेकी थिइन्।
चुनाव जित्नेमा भारतीय मूलका अन्य नेतामा लिबरल पार्टीबाट कमल खेडा, रुबी सहोता, सोनिया सिद्धू, मन्दिर सिद्धू र सुख धालीवाल छन्। जार्ज चहल आरिफ बिरानी, रणदीप सराय, अन्जु ढिल्लो, चन्द्र आर्य र पहिलो पटक मैदानमा उत्रिएका इकविन्दर गहिरले पनि लिबरल पार्टीबाट चुनाव जितेका छन्।
कन्जर्भेटिभ पार्टीबाट टिम उप्पल र जसरास सिंहले आफ्नो सिट बचाएका छन्। क्यानडामा भारतीय मूलका लगभग १६ लाख मानिसको बसोबास छ।