काठमाडौं– नयाँ सिजन अघिको मैत्रीपूर्ण खेलमा बार्सिलोनाका कप्तान लियोनेल मेस्सीले सानदार कमब्याक गरेका छन् । जिरोनाविरुद्ध गएराति सम्पन्न मैत्रीपूर्ण खेलमा मेस्सीले दुई गोल गरे ।
स्पेनिस ला लिगा छोडेर प्रिमियर क्लब म्यानचेस्टर सिटी जान लविङ सुरु गरिसकेका मेस्सीलाई बार्सिलोना बोर्डले ट्रान्सफर नदिएपछि उनी क्याटलान क्लबमै छन् ।
पहिलो मैत्रीपूर्ण खेलमा गोल गर्न नसकेका मेस्सीले दोस्रो खेलमा गोल गर्दै सानदार कमब्याक गरे । जितका लागि मेस्सीसहित ब्रालिजिलियन फरवार्ड फिलिप काउटिन्होले पनि एक गोल गरे ।
बार्सिलोनाले ३–१ गोलअन्तरले जित निकालको खेलमा २१ औं मिनेटमा गोल गर्दै काउटिन्होले सुरुवाती अग्रता बनाए । त्यस्तै पहिलो हाफको अन्तिम मिनेटमा मेस्सीले गोल गर्दै अग्रतालाई दोब्बर बनाएका थिए ।
दोस्रो हाफमा पनि बार्सिलोनाले एक गोल थप्यो । तर त्यसअघि नै ४६औं मिनेटमा जिरोनाका सामुएल सैजले सान्त्वना गोल गरे ।
त्यसलगत्तै, ५१औं मिनेटमा मेस्सीले दोस्रो गोल गरेपछि क्याटलान क्लब ३–१ गोलले अघि रह्यो ।
बार्सिलोनले जारी सिजनको ला लिगामा खेल सुरु गरेको छैन । उसको पहिलो खेल सेम्टेम्बर २७ मा भिल्लारियलसँग खेल्नेछ ।
च्याम्पियन्स लिगमा क्वार्टरफाइनलसम्मका यात्रा तय गरेका कारण एक महिना सिजनको ग्याप रहनुपर्ने भएकाले बार्सिलोना ला लिगामा ढिलो समभागी भएको हो ।