चौतारा– सिन्धुपाल्चोकको बाह्रबिसे नगरपालिका– ७ घुमथाङको भीमखर्क र नाकबुच्चेमा गएको पहिरामा परी मृत्यु हुनेको संख्या १३ पुगेको छ।
शनिबार राति गएको पहिरोमा हराएकामध्ये आज थप दुई जनाको शव भेटिएको हो।
जिल्ला प्रहरी कार्यालयका प्रहरी नायब उपरीक्षक प्रकाश सापकोटाका अनुसार आज २२ वर्षीय कुमार विक र २१ वर्षीया सोनिया विकको शव फेला परेको हाे।
पहिरोमा परेका १८ जना अझै बेपत्ता छन्। नेपाली सेना, सशस्त्र प्रहरी र नेपाल प्रहरीको टोलीले बेपत्ताको खोजी गरिरहेको छ।
पहिराले बाह्रबिसे नगरपालिका– ७ को घुम्थाङ भिरखर्कका १० र नागपूजे गाउँका सात घर पुरिएका छन्।
रासस