जोखिमयुक्त बस्ती सार्न राष्ट्रपतिको ध्यानाकर्षण

काठमाडौं– राष्ट्रपति विद्यादेवी भण्डारीले जोखिमयुक्त बस्ती सुरक्षित क्षेत्रमा सार्न सम्बद्ध पक्षको ध्यानाकर्षण गराएकी छन्।

राष्ट्रपति भण्डारीले ट्विट गरी सिन्धुपाल्चोकमा पहिरोबाट जनधनको क्षति भएको घटनाप्रति दुःख व्यक्त गर्दै जोखिमयुक्त बस्ती सार्नुपर्ने बताएकी हुन्।

‘२०७२ को भूकम्पबाट देशका विभिन्न भाग थङ्थिलो बनेकामा सिन्धुपाल्चोक लगातार पहिरोको जोखिममा परिरहेको छ,’ उनले लेखेकी छन्, ‘त्यहाँ फेरि पहिरोबाट जनधनको क्षति भएकोमा दुःखी भएको छु।’

भौगोलिक संवेदनशीलता अध्ययन गरी जोखिमयुक्त बस्ती सुरक्षित क्षेत्रमा स्थानान्तरण गर्नुपर्ने उनले बताएकी हुन्।