यूएस ओपन : ओसाकाले तेस्रो पटक जितिन् ग्रान्डस्लम उपाधि

काठमाडौं- भिक्टोरिया अजेरेन्कालाई हराएर जापानी स्टार नोआमी ओसाकाले यूएस ओपनको उपधि जितेकी छन्।

उनले यूएस ओपन जितेसँगै तेस्रो ग्रान्डस्लम उपाधि जितेकी हुन्। ओसाका बुल्गेरियन स्टार अजेरेन्कालाई २–१ को सेटमा हराउँदै उपाधि जितेकी हुन्।

महिला टेनिसमा चौथो वरीयताकी २२ वर्षीया ओसाकाले पहिलो सेट १–६ को ठूलो अन्तरले गुमाएकी थिइन्। तर दोस्रो र तेस्रो सेट भने समान ६–३ र ६–३ को सेटमा जितिन्।

ओसाका पहिलो सेटमा ३–० ले पछि पर्दै खराब सुरुवात गरेकी थिइन्। तर त्यसपछिका ११ खेलमा १० खेल जित्दै उत्कृष्ट कमब्याक गरिन्।

बेलारुसियन अजरेन्काको भने २०१३ पछिको यो पहिलो फाइनल हो। उनी २०१२ र २०१३ को यूएस ओपन फाइनलमा सेरेना विलियम्ससँग पराजित भएकी थिइन्।

खेलपछि ओसाकाले अजेरेन्कालाई व्यंग्य गर्दै भनिन्, ‘म अब तिमीसँग फाइनल कहिल्यै खेल्दिनँ। मैले यो फाइनल एन्जोए गर्न नै पाइनँ। यो खेल मेरा लागि धेरै गाह्रो भयो।’

ओसाकले जितपछि सम्पन्न यूएस ओपन व्यक्तिगत रुपमा प्रेरणादायी भएको बताएकी छन्। साथै उनले सानो हुँदा अजेरेन्काको खेल हेर्ने गरेको र उनीसँगै खेल्न पाउँदा खुसी लागेको पनि बताइन्।