विराटनगरमा एक कोरोना संक्रमित पुरुषको मृत्यु

विराटनगर- कोशी अस्पताल कोभिड-१९ उपचार केन्द्र विराटनगरमा उपचारत एक पुरूषको मृत्यु भएको छ।

विराटनगर ८ का ६९ वर्षीय पुरूषको शनिबार दिउँसो साढे १२ बजे मृत्यु भएको उपचार केन्द्रका सूचना अधिकृत आनन्द लामिछानेले बताए।

भदौ २२ गते कोराना संक्रमण देखिएपछि कोशी कोभिड–१९ उपचार केन्द्रमा उनलाई भर्ना गरिएको लामिछानेले बताए। मृतकको शव व्यवस्थापनको काम भईरहेको छ।

कोरोना संक्रमणबाट प्रदेश १ मा मृत्यु हुनेको संख्या ४७ पुगेको छ।