काठमाडौं– कोरोना संक्रमितमध्ये १६५ जनाको देशका विभिन्न अस्पतालको आईसीयूमा उपचार भइरहेको छ।
स्वास्थ्य तथा जनसंख्या मन्त्रालयका अनुसार प्रदेश १ मा चार जना, प्रदेश २ मा २४ र बागमती प्रदेशमा १०५ जना आईसीयूमा छन्।
यस्तै गण्डकी प्रदेशमा पाँच जना, प्रदेश ५ मा २० जना, कर्णाली प्रदेशमा ६ जना र सुदूरपश्चिम प्रदेशमा एक जना संक्रमितको आईसीयूमा उपचार भइरहेको छ।
बागमती प्रदेशमा २० जना र प्रदेश ५ मा एक जना गरी २१ जनाको भेन्टिलेटरमा उपचार भइरहेको मन्त्रालयले जनाएको छ।