कोरोना संक्रमितको संख्या ५० हजार नाघ्यो, साढे ३५ हजारभन्दा बढी संक्रमणमुक्त

काठमाडौं- नेपालमा कोरोना संक्रमितको संख्या ५० हजार नाघेको छ।

पछिल्लो २४ घण्टामा १ हजार २४६ जनामा कोरोना संक्रमण पुष्टि भएसँगै कुल संक्रमितको संख्या ५० हजार ४६५ पुगेको छ।

हाल नेपालमा सक्रिय संक्रमितको संख्या १४ हजार ४४८ छ। जसमध्ये ८ हजार १० जना संस्थागत आइसोलेसनमा र ६ हजार ४३८ जना होम आइसोलेसनमा बसिरहेका छन्।

पछिल्लो २४ घण्टामा ११ हजार १४४ जनाको आरटीपीसीआर बिधिबाट कोरोना परीक्षण गरिएको छ। योसहित हालसम्म नेपालमा ८ लाख १० हजार ४८५ जनाको पीसीआर नमुना परीक्षण गरिएको छ।

पछिल्लो २४ घण्टामा नेपालमा १ हजार ८१८ जना कोरोना संक्रमणमुक्त भएर डिस्चार्ज भएका छन्। योसहित कोरोनामुक्त भएर डिस्चार्ज हुनेको संख्या ३५ हजार ७०० पुगेको छ।

आज ५ जनाको मृत्यु भएसँगै नेपालमा कोरोनाबाट मृत्यु हुनेको कुल संख्या ३१७ पुगेको छ।