शुक्रबार, मंसिर १२, २०७७

समाज
1604123298.jpg

जनकपुरधाम- कोजाग्रत पूर्णिमाको अवसरमा जानकी मन्दिरमा १०८ वटा पाहुर (भार) आएको छ। 

प्रत्येक वर्ष झै यस वर्ष पनि महोत्तरीको रतौलीबाट जानकी मन्दिरमा पाहुर आएको हो। रतौलीका स्वर्गीय ब्रह्मदेव ठाकुरको घरबाट प्रत्येक वर्ष कोजाग्रत पूर्णिमाको अवसरमा जानकी मन्दिरमा पाहुर पठाइने गरिन्छ। 

पाहुरमा पान, मखान, लड्डु, खाजा, दही, चामल, दाल, तरकारीसहित भगवान रामजानकीको लुगा समेत रहेको हुन्छ।

स्वर्गीय ब्रह्मदेव ठाकुरको घरबाट जानकी मन्दिरमा परम्परागत ढंगले काँधमा पाहुर बोकेर स्थानीयवासीले जानकी मन्दिरमा ल्याउने गर्छन्। 

स्व ठाकुर परिवारका नविन ठाकुरले वर्षौदेखिको परम्परालाई  निरन्तरता दिँदै आएको बताए। यो परम्परा ११८ वर्षदेखि चल्दै आएको छ। 

जानकी मन्दिरका महन्थ रामतपेश्वर दास वैष्णवका अनुसार कोजाग्रत महोत्सवमा रामजानकीको चुमाओन (विशेष पूजा) गरिन्छ।

प्रतिक्रिया दिनुहोस्