शुक्रबार, मंसिर १२, २०७७

समाचार

डोटीको अस्पतालमा आईसियु र भेन्टिलेटर जडान हुँदै

1603536226.jpg

डोटी- डोटी जिल्ला अस्पतालमा पहिलोपटक आईसियु र भेन्टेलेटर श्या जडान गरिने भएको छ। 

सुदूरपश्चिम प्रदेश सरकार सामाजिक विकास मन्त्रालयको सहयोगमा जिल्ला अस्पतालमा दुई वटा आईसियु र दुई भेन्टिलेटर श्या उपलब्ध गराएको हो।

विशेषज्ञसहितको उपचार सेवा प्रदान गर्दै आएको सो अस्पतालमा आईसियु तथा भेन्टिलेटर नहुँदा बिरामीलाई अन्य जिल्ला पठाउनु पर्ने बाध्यता थियो।  

प्रदेश सरकारले जिल्लामै उपचार गराउन आईसियु र भेन्टेलेटरसहितको श्या उपलब्ध गराएको जिल्ला अस्पताल व्यवस्थापन समितिका अध्यक्ष यज्ञराज जोशीले जानकारी दिए।

जोशीका अनुसार सामाजिक विकास मन्त्रालयबाट उपलब्ध भएका ती श्याहरु जिल्लामा पुगिसकेको र आइतबारदेखि जडान कार्य सुरु हुनेछन्। प्रदेश सरकारको सहयोगमा केही महिना पहिले अस्पतालमा कोरोना भाइरसको परीक्षणका लागि पिसीआर मेसिन जडान गरिएको थियो। 
 

प्रतिक्रिया दिनुहोस्