काठमाडौं– नेपाली राष्ट्रिय पुरुष क्रिकेट टोलीका खेलाडीले एक वर्षको तलब प्राप्त गरेका छन्। उनीहरुले सन् २०१९ को तलब पाएको नेपाल क्रिकेट संघ क्यानले जनाएको छ।
क्यानले आज (बिहीबार) सूचना जारी गर्दै २२ खेलाडीलाई तलब वितरण गरेको बताएको छ। सन् २०१९ को तलबमा त्यसअघिको भन्दा १० हजार बढेर आएको छ।
नेपालमा राष्ट्रिय क्रिकेट टोलीका खेलाडीलाई तीन समूहमा विभाजन गरिएको छ। ‘ए’ ग्रेडमा रहेका खेलाडीले ४५ हजार तलब पाएका छन् भने बी र सीकाले ३५ र २५ हजार तलब पाएका छन्।
यसअघि ‘ए’, ‘बी’ र ‘सी’ ग्रेडका खेलाडीले क्रमशः ३५, २५ र १५ हजार रुपैयाँ मासिक तलब पाउँथे।
राष्ट्रिय खेलाडीको ग्रेड विभाजन
‘ए’ ग्रेडः ज्ञानेन्द्र मल्ल, पारस खड्का, सोमपाल कामी, सन्दीप लामिछाने, शरद भेषावकर, दिपेन्द्र सिंह ऐरी, करण केसी र विनोद भण्डारी
‘बी’ ग्रेडः रोहित पौडेल, बसन्त रेग्मी, पवन सराफ, अभिनाश बोहोरा, आरिफ शेख, ललितनारायण राजवंशी, सन्दिप जोरा र सुशन भारी
‘सी’ ग्रेडः रसिद खान, कुशल मल्ल, राजु रिजाल, प्रदीप ऐरी, इशान पाण्डे र कुशल भुर्तेल
नेपाली राष्ट्रिय महिला टिमले भने अहिलेसम्म तलब पाउने व्यवस्था गरिसकिएको छैन।