बागलुङ- चट्याङ लागेर बागलुङको ताराखोलामा एक युवकको मृत्यु भएको छ ।
बुधबार राति मोबाइल चार्ज गर्ने क्रममा आफ्नै घरमा परेको चट्याङ लागेर ताराखोला गाउँपालिका–३ सिलमारेका भीमबहादुर बस्नेतको मृत्यु भएको हो ।
घरभित्रै परेको चट्याङ लागेर गम्भीर घाइते भएका उनको उपचारका क्रममा राति नै मृत्यु भएको प्रहरीले जनाएको छ । उनको टाउको गम्भीर चोट लागेको थियो ।
चट्याङ परेको बेला विद्युतिय उपकरण चलाउन नहुने विज्ञहरु बताउँछन् ।
चट्याङ लागेलगत्तै बस्नेतलाई गलकोट हटियास्थित प्राथमिक स्वास्थ्यकेन्द्रमा उपचारका लागि लगिएको थियो । तर, गम्भीर चोटका कारण बचाउन नसकिएको स्वास्थ्य केन्द्रले जनाएको छ ।