१३ अंकले बढ्यो नेप्से

काठमाडौं– आज सेयर बजार परिसूचक (नेप्से) १३.५ अंकले बढेको छ।

बढेको बजार १५०८.२० अंकमा पुगेर रोकिएको हो।

आज १९५ कम्पनीको ५८ लाख ६१ हजार सेयर किनबेच हुँदा २ अर्ब ५६ करोड ७३ लाख रुपैयाँ बराबरको कारोबार भएको छ।

बुधबार व्यापार उपसमूह ३४.९, होटल २०.४१, जलविद्युत् ७.०२, निर्जीवन बिमा २६१.८२ अंकले बढेको छ।

त्यस्तै माइक्रोफाइनान्स ५५.४४, जिवन बिमा १६६.७७ र अन्य उपसमूह १९.३४ अंकले उकालो लागेको छ।

आज बैंकिङ उपसमूह १.८९ र विकास बैंक ५.४८ अंकले घटेको छ।