शुक्रबार, मंसिर १९, २०७७

समाज

साढे २९ लाखसहित नेपालगञ्जमा १० जुवाडे पक्राउ

1603956792.jpg

काठमाडौं– जिल्ला प्रहरी कार्यालय बाँकेले नेपालगञ्ज बसपार्कस्थित एक घरमा छापामा मारेर १० जना जुवाडेलाई पक्राउ गरेको छ।

relifeinsurance

स्थानीय कृष्ण सुवेदीको घरमा जुवा खेलिरहेको भन्ने सूचनापछि त्यहाँ पुगेको प्रहरीले उनीहरुलाई पक्राउ गरेको हो।

प्रहरीले जुवाको खालबाट २९ लाख ४८ हजार रुपैयाँ र ८ गड्डी ताससमेत बरामद गरेको छ।

नेपालगञ्ज उप महानगरपालिका– ४ बसपार्कमा रहेको सुवेदीको घरमा जुवा तास खेल्ने काम भइरहेको भन्ने सूचनापछि राति जिल्ला प्रहरी कार्यालय र वडा प्रहरी कार्यालयबाट टोली खटिएको थियो।

पक्राउ पर्नेहरूमा नेपालगंज उपमहानगरपालिका– ४ का सन्तोष थापा, मेघनाथ कुचबन्दिया, नवीन घिमिरे, टोप बहादुर शाही, पब्लु भण्डारी, तरुण गौतम, रविन राणा, सन्तोष वली, कृष्ण बहादुर सुवेदी र रहमान मिया रहेका छन्। उनीहरू विरुद्ध जुवा ऐन अनुसार म्याद लिएर थप अनुसन्धान भइरहेको जिल्ला प्रहरी कार्यालय बाँकेले जनाएको छ।

प्रतिक्रिया दिनुहोस्