शुक्रबार, मंसिर १९, २०७७

समाचार

हतियार र विस्फोटक पदार्थसहित विप्लव समूहका कार्यकर्ता पक्राउ

1603950828.jpg

काठमाडौं– जिल्ला प्रहरी कार्यालय मोरङले नेत्रविक्रम चन्द ‘विप्लव’ समूहका दुई कार्यकर्तालाई हतियार र विस्फोटक पदार्थसहित पक्राउ गरेको छ। 

relifeinsurance

पूर्वी कमाण्ड अन्तर्गतका कार्यकर्ताहरु बुधवार राति पक्राउ परेका हुन्। उनीहरुलाई मिक्लाजुङ गाउँपालिका १ बाट पक्राउ गरिएको जिल्ला प्रहरी कार्यालय मोरङका प्रहरी प्रमुख एसपी सन्तोष खड्काले जानकारी दिए। 

उनका अनुसार पक्राउ पर्नेमा इलाम चुलाचुली गाउँपालिका–६ का १८ वर्षीय विज्ञान राई र सप्तरी सुरुङ्गा नगरपालिका–२ का ३२ वर्षीय प्रतिक भन्ने काशीनाथ घिमिरे छन्। 

उनीहरुको साथबाट प्रहरीले केही थान हतियार र विस्फोटक पदार्थ बरामद गरेको छ। 

प्रहरीले उनीहरुको साथबाट एक थान भरुवा बन्दुक, त्यसमा लाग्ने गोली, विस्फोटक पदार्थ जिलेटिन तीन किलो, सुतली बम दुई थान, सकेट बम १ थान, टुकी बम १ थान, इलेक्ट्रिक डेटोनेटरलगायत बरामद गरिएको एसपी खड्काले जानकारी दिए। 

प्रहरीले पक्राउ परेका दुवैजनालाई हिरासतमा राखेर थप अनुसन्धान भइरहेको जनाएको छ। 
 

प्रतिक्रिया दिनुहोस्