पोखरा- गण्डकी प्रदेशको राजधानी पोखरामा ५ जना सहित प्रदेशभर थप ११ जनामा कोरोना संक्रमण पुष्टि भएको छ ।
पोखरा स्वास्थ्य बिज्ञान प्रतिष्ठान, पोखरा र भरतपुर अस्पताल, चितवन तथा चितवन मेडिकल कलेज, चितवनमा गरिएको परिक्षणमा पोखराका ५ र नवलपरासी पूर्वसुस्ताका ६ गरी गण्डकी प्रदेशमा थप ११ जनाका कोरोना संक्रमण पुष्टि भएको हो ।
नयाँ संक्रमितमा पोखरा वडा नं १२ का दुईजना पुरुष र वडा नं १४ , १५ र २७ का एक/एक जना पुरुष रहेको छन् । उनीहरु सबै आफै पिसिआर परिक्षण गराउन गएकाहरु भएको स्वास्थ्य निर्देशनालयले जनाएको छ ।
त्यसैगरीनवलपरासी पूर्वसुस्ताका ६ जना नयाँ संक्रमित मध्ये गैडाकोट नगरपालिकाका तीन जना महिला र दुई जना पुरुष गरी पाँचजना छने भने कावासोती नगरपालिकाका एक जना महिलामा कोरोना संक्रमण पुष्टिभएको छ ।
नवलपरासी जिल्लाका सबै व्यक्तिहरुलाई आईसोलेसन केन्द्रमा राखिसकिएको छ भने कास्की पोखराका सबै व्यक्तिलाई आईसोलेसन केन्द्रमा लैजाने तयारी भैरहेको छ ।
योसँगै गण्डकी प्रदेशमा कोरोना संक्रमितको संख्या २ हजार ६१२ पुगेको छ ।