समाचार

देशभरका संक्रमितमध्ये आधाभन्दा बढी बागमती प्रदेशमा

कोरोना संक्रमणबाट ८७६ जनाको मृत्यु भएको छ, यीमध्ये ४१५ जना बागमतीका छन्

1601980809.jpg

काठमाडौं- कोरोना भाइरसबाट देशभर कुल संक्रमितमध्ये बागमतीमा झन्डै ५२ प्रतिशत छन्। बागमती प्रदेशमा संक्रमण दर तीव्र रहेकाले संख्या बढेको प्रदेशको सामाजिक विकास मन्त्रालयले जनाएको छ। 

agrakhi
Yeti parketing
honda

देशभर आजसम्म एक लाख ६० हजार ४०० जनामा कोरोना संक्रमण भएको छ। यीमध्ये बागमतीमा कोरोना संक्रमितको संख्या ८२ हजार ८४० पुगेको छ।

देशभर एक लाख १८ हजार ८४३ संक्रमितको उपचार भइसकेको छ भने बागमतीमा ५७ हजार ९५५ जना कोरोनामुक्त भएका छन्।

देशभर ४० हजार ६८१ जना सक्रिय संक्रमित रहेकामा बागमतीमा यो संख्या  २४ हजार ४७० छ।

नेपालमा आजसम्म कोरोना संक्रमणबाट ८७६ जनाको मृत्यु भएको छ। यीमध्ये ४१५ जना बागमतीका छन्। आज देशभर १४ जनाको मृत्यु भएकामा बागमतीका ६ जना छन्। 

नेपालमा आज थप ५७० जनामा कोरोना भाइरस संक्रमण भएकामा बागमती प्रदेशमा प्रदेशमा २७३ जना नयाँ संक्रमित थपिएका छन्। तीमध्ये २५२ जना काठमाडौं उपत्यकाका छन्।

यस्तो छ प्रदेशको कोरोना संक्रमणको विस्तृत विवरण

प्रतिक्रिया दिनुहोस्