शुक्रबार, मंसिर १९, २०७७

समाचार
1601551366.jpg

भरतपुर- चितवनमा थप एक कोरोना सङक्रमितको मृत्यु भएको छ। चितवन मेडिकल कलेजमा उपचाररत नवलपुरको गैडाकोट नगरपालिका २ का ५४ वर्षीय पुरुषको मृत्यु भएको हो। 

relifeinsurance

श्वासप्रश्वासको समस्या भएर कात्तिक ३ गते अस्पताल भर्ना भएका उनको आज बेलुका ५ः२६ बजे मृत्यु भएको अस्पतालका निर्देशक डा. दयाराम लम्सालले जानकारी दिए।

उनलई कात्तिक ४ गते कोरोना पुष्टि भएको थियो। उनको अवस्था जटिल बन्दै गएपछि अस्पतालको सघन उपचार कक्षमा भेन्टिलेटरको सहायतामा उपचार गरिएको थियो।

मृतक पुरुष मधुमेहको समेत बिरामी थिए।

यसअघि आजै चितवनमा कोरोना संक्रमणबाट अन्य दुई जनाको मृत्यु भएको थियो। उनीहरुको भरतपुर अस्पतालमा उपचारका क्रममा मृत्यु भएको हो।

मृत्यु हुनेमा  बारपाक सुलिकोट गाउँपालिका १ की १९ वर्षीया युवती र  भरतपुर महानगरपालिका–२१ का ५६ वर्षीय पुरुष छन्। 

प्रतिक्रिया दिनुहोस्