विराटनगरमा कोरोना संक्रमित वृद्धको मृत्यु

विराटनगर- कोरोना संक्रमित एक वृद्धको कोशी अस्पताल कोभिड–१९ उपचार केन्द्र विराटनगरमा मृत्यु भएको छ ।

उपचार केन्द्रका संयोजक ज्ञानबहादुर बस्नेतका अनुसार विराटनगर महानगरपालिका–१० का ७६ वर्षीय पुरुषको सोमबार बिहान ३ः१५ बजेतिर मृत्यु भएको हो ।

उनका अनुसार भदौ ११ गतेसंक्रमण पुष्टि भएका वृद्ध १० दिन ‘होम आइसोलेसन’मा बसेका थिए ।

मृतकमा उच्च रक्तचापको पुरानै समस्या रहेको पाइएको छ ।

कोरोना संक्रमण देखिएपछि ‘होम आइसोलेसन’मै रहे पनि श्वासप्रश्वासमा समस्या भएका कारण थप उपचारका लागि गत शनिबार वृद्धलाई कोभिड उपचार केन्द्रमा ल्याइएको कोशी अस्पतालका मेडिकल सुपरिटेन्डेन डा. चुमनलाल दासले जानकारी दिए ।

कोरोना संक्रमणबाट विराटनगरममा १५ जनाले ज्यान गुमाइसकेका छन् ।