बुढीगंगाका एक कोरोना संक्रमितको मृत्यु

विराटनगर– मोरङको बुढीगंगा ४ का ५२ वर्षीय पुरुषको कोरोना संक्रमणबाट मृत्यु भएको छ ।

विराट मेडिकल कलेज टिचिङ अस्पताल बुढीगंगामा उपचाररत उनको दिउँसो ३ः३० मा मृत्यु भएको हो । मधुमेह र उच्च रक्तचापबाट पीडित उनको छातीमा पनि समस्या रहेको मेडिकल कलेजका प्रशासन प्रमुख सुधिरसिंह राठोरले जानकारी दिए ।

मृतकको कोरोना परीक्षणका लागि शनिवार स्वाव संकलन गरिएको थियो । उनको कोरोना पोजेटिभ रिपोर्ट साँझ ६ वजे आएको राठोरले बताए । बुढीगंगामा मात्र कोरोनाबाट मृत्यु हुनेको संख्या ४ पुगेको छ ।