काठमाडौं- रेलमार्ग निर्माणको ठेक्का प्रक्रियामा भ्रष्टाचार भएको भन्दै प्रमुख प्रतिपक्षी दल नेपाली कांग्रेसका कार्यकर्ताहरुले आइतबार राजधानीमा प्रदर्शन गरेका छन्।
पूर्व–पश्चिम रेलमार्गको काक्कडभिट्टा–इनरुवा खण्डको ठेक्का प्रक्रियामा भ्रष्टाचार भएको भन्दै माइतीघर मण्डलामा कांग्रेस कार्यकर्ताहरुले शान्तिपूर्ण प्रदर्शन गरेका हुन्।
जग्गा अधिग्रहण नगरी हतारहतार ठेक्का लगाउन लाग्दा चौतर्फी विरोध भइरहेको बेला नेपाली कांग्रेसले पनि अख्तियारलगायतका नियकालाई सत्यतथ्य छानविन गर्न माग गर्दै आएको छ।
सरकार किन मौन ?, अख्तियार किन मौन ?, सर्प पालन की सक्ता पालन प्रधानमन्त्री ज्यू ? जस्ता नारा लेखिएका प्लाकार्ड बोकेर प्रदर्शन गरिएको छ।
कांग्रेस नेता रामचन्द्र पौडेलले रेल मार्गको ठेक्का प्रक्रियामा नीतिगत भ्रष्टाचार भएको भन्दै छानबिनको माग गरेका थिए।
सिमित कम्पनीले मात्र पाउने गरी ठेक्का खोलिएको भन्दै चौतर्फी विरोध भैरहेको छ।