झापाकी कोरोना संक्रमित महिलाको धरानमा मृत्यु

काठमाडौं- झापाको कन्काई नगरपालिका ३ की ४५ वर्षीया कोरोना संक्रमित महिलाको उपचारका क्रममा बीपी कोइराला स्वास्थ्य विज्ञान प्रतिष्ठानमा मृत्यु भएको छ।

अस्पतालको भेन्टिलेटरमा राखेर उपचार गराइरहेकी ती महिलाको आइतबार बिहान पौने ११ बजे मृत्यु भएको प्रष्ठिानका प्रवक्ता डा. निदेश सापकोटाले जानकारी दिए।

कमजोरी, कब्जियत, ज्वरो, श्वासप्रश्वासमा कठिन र परीक्षण गर्दा निमोनियाको समस्या देखिएपछि मेची अस्पतालले रिफर गरेको थियो।

१८ भदौमा बीपी कोइराला स्वास्थ्य विज्ञान प्रतिष्ठानमा भर्ना गरिएकी ती महिलामा सोही दिन कोरोना संक्रमण पुष्टि भएको थियो। महिलामा मधुमेहको समस्या रहेको अस्पतालले जनाएको छ।