शुक्रबार, मंसिर १९, २०७७

मनोरञ्जन

भीमको ‘पावरवाला चश्मा’ सार्वजनिक 

1603608457.jpg

काठमाडौं- ‘पावरवाला चश्मा’ बोलको गीतको भिडियो सार्वजनिक भएको छ। 

relifeinsurance

प्रताप दास र एन्जिला रेग्मीको स्वरमा रहेको गीतमा शब्द र संगीत भीम बिसीका छन्।  

नेफोली क्रिएसन्सको प्रस्तुति रहेको भिडियोमा अभिनेत्री आश्मा गिरी, सहिन प्रजापति, कुशल बिष्ट र अनिता बस्नेतले अभिनय गरेका छन्।  
युट्युव च्यानल नेफोली क्रिएसन्समा अप्लोड गरिएको भिडियोको निर्देशन सहिन प्रजापतिले गरेका हुन्। 

सियोन श्रेष्ठले कोरियोग्राफी गरेको भिडियो नवराज उप्रेतीले छायांकन गरेका हुन्। 

प्रलभ ढुंगाना र कौशलराज खड्का निर्माता रहेको भिडियोमा दुई प्रेमी जोडीको बृद्धाबस्थासम्मको प्रेमभाव दर्शाइएको छ। 

दर्शकबाट सकारात्मक प्रतिक्रिया पाइरहेको भिडियोमा गायक प्रताप र गायिका एन्जिलालाई पनि प्रस्तुत गरिएको छ। 

केही समयअघिदेखि बिभिन्न सर्ट मुभी तथा म्युजिक भिडियो निर्माणमा सक्रिय रहेको नेफोली क्रिएसन्सको यो गीत टिकटकमा समेत चर्चित हुँदै गइरहेको छ। 


 

प्रतिक्रिया दिनुहोस्