पोखराका २ स्टाफ नर्ससहित गण्डकीमा थप ६९ जनामा कोरोना पुष्टि

पोखरा- पोखरा अमरसिंहचोकस्थित पार्कल्याण्ड अस्पतालमा कार्यरत २ नर्ससहित गण्डकी प्रदेशमा थप ६९ जनामा कोरोना संक्रमण पुष्टि भएको छ ।

संक्रमितमध्ये पोखरा महानगरका मात्रै २० जना रहेको गण्डकी प्रदेश निर्देशनालयले जनाएको छ।

निर्देशनालयका अनुसार स्याङजा पुतली बजारका २२ जना, तनहुँमा ७, नवलपरासीमा १३ जना, बागलुङमा ३ जनामा संक्रमण पुष्टि भएको छ ।

यसैगरी लमजुङको रिलायन्स फाइनान्समा कार्यरत २ कर्मचारी, कावासोतीमा २ र बुलिंगटारका १ जनामा कोरोना पुष्टि भएको छ ।

संक्रमित सबै कन्ट्याक्ट ट्रेसिङबाट पहिचान भएका हुन् । साथै, गोरखामा २ जना भेटिएका छन् । सबैलाई आइशोलेसनमा लैजाने तयारी भइरहेको छ ।

यससँगै गण्डकी प्रदेशमा संक्रमितको संख्या २ हजार ५१६ पुगेको छ ।