विराटनगर- कोसी अस्पताल कोभिड १९ उपचार केन्द्र विराटनगरमा शनिबार एक कोरोना संक्रमितको मृत्यु भएको छ।
कोसी अस्पतालको आइसोलेसनबाट रेफर गरिएका मोरङ धनपालथानका ५२ वर्षीय पुरुषको मृत्यु भएको हो।
श्वासप्रश्वासमा समस्या भएपछि कोसी अस्पतालको आइसोलेसनमा भर्ना गरिएको उनको स्वास्थ्यमा थप समस्या आएपछि शुक्रबार साँझ कोभिड अस्पतालमा भर्ना गरिएको थियो।
उनको उपचारका क्रममा मृत्यु भएको कोसी अस्पतालका फिजिसियन डा. लक्ष्मीनारायण यादवले जानकारी दिए।
मृतकको शनिबार कोरोना संक्रमण पुष्टि भएको थियो। यसअघि शुक्रबार साँझ विराटनगरका २ महिलाको मृत्यु भएको थियो।