चितवनमा १२ दिन निषेध आदेश थप

चितवन- जिल्ला प्रशासन कार्यालय चितवनले भदौ ३१ गतेसम्म निषेध आदेश थप गर्ने निर्णय गरेको छ।

जिल्ला प्रशासन कार्यालय चितवनमा आज (शुक्रबार) बसेको बैठकले शनिबारदेखि निषेध आदेश थप गर्ने निर्णय गरेको हो। प्रशासनले लागू गरेको तेस्रो चरणको निषेध आदेश आज राति १२ बजेदेखि सकिँदै छ।

थप गरिएको निषेधाज्ञालाई भने सामान्य खुकुलो बनाइएको छ। यो आदेशसँगै बिहान १० बजेदेखि दिउँसो ४ बजेसम्म किराना पसल, निर्माण सामग्री पसल, फेन्सी तथा कपडा पसल सञ्चालन गर्न पाइने छ।

चितवनमा संक्रमण दर बढ्दै गइरहेकोले केही खुकुलो बनाउँदै निषेध आदेशको अवधि एक साता थप गर्ने निर्णय गरिएको हो।