जुम्लाका प्रजिअ थापालाई कोरोना संक्रमण

काठमाडौं– जुम्लाका प्रमुख जिल्ला अधिकारी भूपेन्द्र थापालाई कोरोना संक्रमण भएको छ।

प्रजिअ थापाले बिहीवार बेलुकी फेसबुकमार्फत आफू संक्रमित भएको जानकारी दिएका हुन्। संक्रमण पुष्टि भएलगत्तै आफू आइसोलेसनमा बसेको उनले उल्लेख गरेका छन्।

‘जनताको जीवन सुरक्षा गर्ने सिलसिलामा काँधमा जिम्मेवारी र हृदयमा इमान्दारी बोकेर कर्तव्य पालनको सिलसिलामा अहोरात्र खटिँदा आज म पनि कोरोनाबाट संक्रमित हुन पुगेको छु। अहिलेबाट आइसोलेसनमा बसेको छु। कार्यालयसँग सम्बन्धित काममा सहायक प्रमुख जिल्ला अधिकारीलाई सम्पर्क गर्नुहोला। छिट्टै तपाईहरुको सेवामा फर्किनेछु। तपाईहरु सुरक्षित रहनु होला’, प्रजिअ थापाले भनेका छन्।