निषेध आदेशकै बीच मछिन्द्रनाथको रथ तान्न सुरु (तस्बिरहरू)

काठमाडौं– निषेध आदेशकै बीच ललितपुरमा रातो मछिन्द्रनाथको रथ तान्न सुरु गरिएको छ।

प्रहरी प्रशासन र केही स्थानीयवासीले अवरोध गरे पनि गुठीयारलगायत केही स्थानीयवासीले रथ तान्न सुरु गरेका हुन्।

लकडाउनकै बीचमा ललितपुरको पुल्चोकमा मछिन्द्रनाथको रथ निर्माण गरिएको थियो।

यसअघि लकडाउनकै कारण पटक–पटक रथ तान्ने साइत सारिएको थियो।

रथ तान्न पाउनुपर्ने भन्दै केही स्थानीयवासी र गुठियारले आज बिहान प्रर्दशनसमेत गरेका थिए। रथ तान्ने/नतान्ने विषयमा स्थानीयवासीबीच नै विवाद भएको थियो।

कोरोना संक्रमणको जोखिम बढेका कारण काठमाडौं उपत्यकामा २४ भदौसम्म निषेध आदेश लगाइएको छ।