शुक्रबार, मंसिर १९, २०७७

खेलकुद

च्याम्पियन्स लिगमा युभेन्टसको सुखद् सुरुवात

1603244703.jpg

काठमाडौं– च्याम्पियन्स लिग २०२०–२१ को नयाँ सिजनमा आन्द्रे पिर्लोको प्रशिक्षणमा रहेको युभेन्टसले सुखद् सुरुवात गरेको छ। उसले पहिलो खेलमा डायनामो किवविरुद्ध उसकै मैदानमा २–० गोलअन्तरको जित निकालेको छ।

relifeinsurance

जितका लागि दुवै पटक अल्भारो मोराटाले गोल गरे। पहिलो हाफमा गोलरहित बरबरी भएको खेलमा मोराटाले दुवै गोल दोस्रो हाफमा गरेका थिए।

उनले दोस्रो हाफको पहिलो मिनेटमै सिक्स यार्डको क्षेत्रबाट प्रहार गरेको गोल स्कोर भएपछि पाहुना टिमले सुरुवाती जित निकालेको थियो।

त्यस्तै, जुवन कुवड्राडोको पासमा मोराटोले दोस्रो गोल गरेका थिए। जितसँगै युभेन्टस समूह जीको दोस्रो स्थानमा छ। यता ५–१ गोलअन्तरको जित निकालेको बार्सिलोना समूहको शीर्षस्थानमा छ।

यसै समूह अन्तर्गत लियोनेल मेस्सीको कप्तानीमा रहको बार्सिलोना र क्रिस्टियानो रोनाल्डोको इटालियन टिम युभेन्टसबीच अक्टोबर २९ मा प्रतिस्पर्धा हुँदैछ।

युभेन्टसका रोनाल्डोलाई कोरोना भइरसको संक्रमण भएपछि उनी अहिले आइसोलेसनमा छन्। बार्सिलोना विरुद्धको खेलमा भने उननलाई मैदानमा देख्न पाइनेछ।
 

प्रतिक्रिया दिनुहोस्