पोखरा- जिल्ला प्रहरी कार्यालय कास्कीले बैंकिङ कसुर, सरकारी छाप दस्तखत कीर्ते र सार्वजनिक अपराध मुद्दका २८ जना फरार प्रतिवादीलाई पक्राउ गरेको छ।
कास्की जिल्ला अदालत तथा जिल्ला प्रशासन कास्कीको फैसला अनुरुप विभिन्न मुद्दामा कैद र जरिवाना सजाय तोकी हालसम्म फरार रहेका प्रतिवादीहरुलाई प्रहरीले पक्राउ गरेको हो।
पक्राउ पर्नेहरुलाई कारवाही प्रक्रियाका लागि जिल्ला अदालत र जिल्ला प्रशासन कार्यालय कास्कीमा पेस गरेको कास्की प्रहरी प्रवक्ता सुवास हमालले जानकारी दिए।