काठमाडौं– महाराजगञ्जस्थित त्रिवि शिक्षण अस्पतालमा उपचाररत दुई जना कोरोना संक्रमितको मृत्यु भएको छ।
शिक्षण अस्पतालको कोभिड अस्थायी युनिटमा उपचाररत भक्तपुरका ७१ वर्षीय पुरुष र तनहुँकी २० वर्षीया युवतीको मृत्यु भएको हो ।
अस्पतालको कोभिड युनिटका संयोजक डा. शान्तकुमार दासका अनुसार २० वर्षीया युवतीलाई बाथ र मिर्गौलाको समस्या थियो । उनलाई मंगलबारमात्रै अल्का अस्पतालबाट शिक्षण अस्पताल लगिएकोे थियो ।
त्यस्तै भक्तपुरका व्यक्तिलाई सोमबार त्रिवि शिक्षण अस्पतालकै आकस्मिक कक्षमा भर्ना गरिएको थियो । उनमा अन्य दिर्घरोग रहेको बताइएको छ । हाल अस्पतालमा ८० जना कोरोना संक्रमितको उपचार भइरहेको छ।