बारा र पर्सामा गरी थप ६३ जनामा कोरोना संक्रमण

पर्सा- बारामा ५० र पर्सामा थप १३ जनामा कोरोना भाइरस संक्रमण भएको छ।

नारायणी अस्पतालको पीसीआर ल्याबमा गरिएको पीसीआर परीक्षणमा थप ६३ जना कोरोना संक्रमित भएका हुन्।

संक्रमित हुनेमा पाँच वर्षदेखि ७० वर्ष उमेरसम्मका यस्तै २८ जना महिला रहेको अस्पतालले जनाएको छ। संक्रमित हुनेमा सबैभन्दा धेरै कलैया उपमहानगरपालिकाका रहेको अस्पतालका प्रवक्ता चिकित्सक डा. अतुलेश चौरसियाले जानकारी दिए।

कलैया उपमहानगरपालिका वडा नम्बर ५ मा ७ जना, वडा नम्बर २ र ४ मा ६/६ जना, वडा नम्बर १ र ७ मा पाँचपाँच जना, त्यसैगरी २० र २२ मा चारचार जना, वडा नम्बर २३ मा तीन जना, वडा नम्बर ३, ६, ८, ९ र २१ मा एकएकजना संक्रमित थपिएका हुन्।

पर्साको बहुदरमाई नगरपालिका वडा नम्बर १ र ४ मा पाँचपाँचजना, वडा नम्बर ६ मा दुई जना र ५ मा एकजना संक्रमित थपिएका छन्।
त्यसैगरी वीरगन्ज महानगरपालिका ४ मा दुई जना, वडा नम्बर १२, १८ मा एकरएक जना संक्रमित थपिएका छन्।