बैतडीमा सुत्केरीको मृत्यु

काठमाडौं- बैतडीमा एक सुत्केरीको मृत्यु भएको छ। जिल्लाको दशरथचन्द नगरपालिका २ स्थित देहीमाण्डौं स्वास्थ्यचौकीमा बच्चा जन्माएकी सोही ठाउँकी अन्दाजी ३२ वर्षीया निर्मला बोहोराको मृत्यु भएको हो।

सोमबार साँझ साढे ५ बजे स्वास्थ्य संस्थामा सुत्केरी भएकी बोहराको घरमा पुगेपछि साँझ साढे सात बजेतिर मृत्यु भएको परिवार स्रोतले जनाएको छ।

नवजात शिशुको स्वास्थ्य अवस्था भने समान्य रहेको बताइएको छ।

मृतकका परिवारले स्वास्थ्यकर्मीहरुको लापरबाहीले सुत्केरीको ज्यान गएको आरोप लगाएका भएपनि स्वास्थ्यकर्मीहरुले भने सुत्केरीमा कुनै खतरा लक्षण नदेखिएकाले घर पठाएको दाबी गरेका छन्। रासस